Memlekettik kirister komıteti Aýdıt departamenti bereshekpen jumys basqarmasynyń basshysy Aryn Qaısardyń sózinshe, jańa Salyq kodeksinde qaryzy bar kásipkerlerdi bultartpaý sharasy qoldanylady, dep habarlaıdy aqshamnews.kz
Demek, aldaǵy ýaqytta 106 mıllıon teńge bereshegi bar bıznes ókilderi shetelge saıahattaı almaıdy. Biraq, bir múmkindik te joq emes.
– Qoldanystaǵy zańnama boıynsha zańdy tulǵalar bir-birine 45 aılyq eseptik kórsetkishten (194 625 teńgeden) joǵary mólsherde qaryz bolǵan jaǵdaıda jeke kásipkerler men kompanıanyń birinshi basshylaryna Qazaqstannan shyǵýǵa shekteý qoıylady. Osy normaǵa da jańa Salyq kodeksinde ózgeris engizip otyrmyz. Depýtattardan da sondaı usynystar tústi. Sonyń bárin qarastyra kelip, qaryz somasyn 27 AEK-ke deıin kóterdik. 106 mln teńgeden joǵary qaryzy bar jeke kásipkerler men zańdy tulǵalardyń birinshi tulǵalary ǵana Qazaqstannan shyǵýǵa tyıym salynady, – dedi ol.
Deı turǵanymen, bul shekteýler sottyń sanksıasy arqyly iske aspaq.
– Bul shekteýdi ýaqytsha toqtata turý múmkindikteri de qarastyrylǵan. Qaryzy bar tulǵa shetelde shuǵyl emdelýi kerek bolǵan jaǵdaıda shekteý qoıylmaıdy. Biraq "emdelýge jiberý kerek" degen sheshimdi sot ǵana qabyldaı alady, – dep tolyqtyra ketti ol.
El Prezıdenti sońǵy Joldaýynda salyq bereshegi barlardyń banktegi esep-shotyn tolyq buǵattamaýdy tapsyrǵan edi.