1 qazannan bastap Enbek.kz portalynda jumys berýshilerden sýbsıdıalanatyn jumys oryndaryn uıymdastyrýǵa ótinimder qabyldaý bastalady
Enbek.kz portaly arqyly osy jyldyń 1 qazanynan bastap 2024 jyly memleket sýbsıdıalaıtyn jumys oryndaryn uıymdastyrǵysy keletin jumys berýshilerden ótinimder qabyldaý bastalady.
Jumys berýshiler óz kásipornynda sýbsıdıalanatyn jumys oryndarynyń mynadaı túrlerin uıymdastyra alady:
- qoǵamdyq jumystar, jastar praktıkasy, áleýmettik jumys oryndary,
- «Alǵashqy jumys orny»,
- «Urpaqtar kelisimsharty»
- «Kúmis jas» jobalary sheńberinde jumys oryndary.
Jumys berýshi qosymsha jumys oryndaryn uıymdastyrady, al memleket jumysshylardyń jalaqysyn tolyq nemese ishinara tóleıdi.
Ótinimderdi qabyldaý 2023 jylǵy 31 qazanǵa deıin jalǵasady.
Jumys berýshi Enbek.kz-tegi jeke kabınet arqyly jumys ornyn qurýdy josparlap otyrǵan óńirdiń mansap ortalyǵyna onlaın-ótinim bere alady. Enbek.kz-te mansap ortalyǵymen kelisimshart jasasqannan keıin tirkelgen jumyssyzdar arasynan laıyqty kandıdatty tańdap, ony jumysqa qabyldaýǵa, sondaı-aq qabyldanǵan jumyskerdiń ýaqyt kestesin aı saıyn onlaın jiberýge bolady.
Qazaqstandyqtardy sýbsıdıalanatyn jumys oryndarymen qamtamasyz etetin túrli baǵdarlamalarǵa 2023 jyly 47 myń jumys berýshi qatysýda, nátıjesinde 176 myńnan astam jumyssyz jumysqa ornalastyryldy.
Bir jyldan astam jumys isteıtin jáne salyq tólemderi, áleýmettik aýdarymdar jáne jalaqy boıynsha bereshegi joq jumys berýshilerdiń sýbsıdıalanatyn jumys oryndaryn uıymdastyrýda memlekettiń qoldaýyna ıe bolý múmkindigi bar.
Sýbsıdıalanatyn jumys oryndaryn uıymdastyrýǵa qatysqysy keletin kásipkerler Enbek.kz portalynan nemese jergilikti mansap ortalyǵynan tolyq aqparat ala alady.