Alaıaqtyq úshin sottalǵan azamat Ýkraınadan Qazaqstanǵa ekstradısıalandy
Ýkraınanyń Ádilet mınıstrligi Qazaqstan sotynyń úkimin oryndaýdan jaltarǵan azamat «M» Qazaqstan Respýblıkasyna berý týraly sheshim qabyldady, dep habarlaıdy almaty-akshamy.kz Bas prokýratýranyń baspasóz qyzmetine silteme jasap.
Sot atalǵan azamatty 2017 jyly asa iri mólsherde alaıaqtyq jasaǵany úshin kináli dep tanyp, shartty merzimge sottady. 2019 jyly «M» azamaty sottyń ózine júktegen shekteýlerin buzyp, jazasyn óteýden jaltarý maqsatynda jasyrynyp, izdeýge jarıalandy.
Aǵymdaǵy jyldyń tamyz aıynda izdeýde júrgen adamdy Ýkraına aýmaǵynda osy eldiń quqyq qorǵaý organdary ustady.
Búgin Qazaqstan Respýblıkasynyń Ýkraınadaǵy, Moldovadaǵy jáne Túrkıadaǵy Elshilikteriniń qoldaýymen Qazaqstan Bas prokýratýrasy men Interpol qyzmetkerleri ony bizdiń elge ekstradısıalady.
Qazirgi ýaqytta ol Astana qalasynyń tergeý ızolátoryna qamaldy.