General-maıor S.Isabaevtyń qurmetine eskertkish-taqta ornatyldy
Kórnekti memleket jáne qoǵam qaıratkeri, QR İİM qurmetti ardageri, polısıa general-maıory Slám Isabaevtyń qurmetine memorıaldyq eskertkish-taqta qoıyldy.
Ol ishki ister organdary júıesinde eńbek etip, qatardaǵy sarapshy-krımınalıst, tergeýshiden bastap, QR İİM Tergeý basqarmasy basshysynyń orynbasary laýazymyna deıin kóterilgen. 1985–1990 jyldary Almaty oblystyq İİB basshysy bolǵan. 1990 jyldyń maýsym aıynda bekitý tártibimen Almaty qalasynyń QİİB basshysy bolyp, odan keıin QR İİM mınıstriniń orynbasary bolyp taǵaıyndalǵan. QR Joǵarǵy Keńesiniń 11 medalimen jáne Qurmet Gramotasymen marapattalǵan.
– Men Slámmen 1980 jyldardan tanys boldym. Onyń uıymdastyrýshylyq qabiletiniń arqasynda qylmystyq isterdi atqarý, tergep, tekserý barysynda jumystar júıeli júrdi. Óz eńbegine adal, áskerı tártipti myǵym ustanatyn jandardyń biri boldy. Ómiriniń sońyna deıin polısıa qyzmetkerlerine tájirıbesimen bólisti. Sanaly ǵumyryn elin, jerin qorǵaýǵa bar kúshin sarp etti. Slám Isabekovtiń iskerligi, talaptylyǵy jastarǵa úlgi-ónege bolyp qalatynyna senimdimin, – deıdi İshki ister mınıstriniń keńesshisi, polısıa general-maıory Ómirzaq Bolsambekov.
İs-sharanyń ótýine Almaty qalasynyń mádenıet basqarmasy muryndyq boldy. Memorıaldyq taqtanyń saltanatty ashylý rásimine polısıa qyzmetkerleri, dos-jarandary, memleket jáne qoǵam qaıratkerleri, shákirtteri qatysty. Al Slám Isabaevtyń qyzy kelgen qonaqtar men Almaty qalasynyń ákimdigine alǵysyn bildirdi.