Reseılik mamandar jumys isteıdi, ýaqytsha turýǵa tirkeledi.
13 jeltoqsanda QR Eńbek jáne halyqty áleýmettik qorǵaý mınıstrligi elge qandaı mamandar qajet ekenin aıtty, dep habarlaıdy Almaty-akshamy.kz Zakon.kz-ke silteme jasap.
Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń mindetin atqarýshy İlıas Spanovtyń aıtýynsha, birinshi kezekte Qazaqstanda ınjenerler jetispeıdi.
"Kóbine bizge ónerkásip ónimderin óńdeıtin óte dál mamandar – ınjenerler qajet. Sonymen qatar medısına salasynyń mamandary, ónerkásipte jańa tehnologıalardy qoldaný úshin ujymdy oqytatyn muǵalimder, ónerkásip mamandary qajet", - dedi İlıas Spanov.
Jýrnalıs Eńbek mınıstrliginiń ókilinen reseılik mıgranttar aǵyny kadrlardaǵy olqylyqty japty ma dep surady.
"Búginde munda reseılik mamandar jumys isteıdi, ýaqytsha turýǵa tirkeledi. EAEO kelisimine sáıkes, 2015 jyldan bastap EAEO-nyń tórt memleketiniń turǵyndary ruqsatsyz kelip jumys isteı alatynyn túsinemiz",- dedi ol.
Buǵan deıin Eńbek mınıstrligi qazir Qazaqstanda 298 myń Reseı azamaty bar ekenin, onyń 30 myńy resmı túrde jumysqa ornalasqanyn habarlaǵan.