Júrgizýshiler qalany aınala 90 shaqyrymdy júrip ótti
Kezinde qaınaǵan tirshilikke aralasyp, adamǵa kómekshi bolǵan túrli tehnıkanyń zamany ótip barady, dep habarlaıdy Almaty-akshamy.kz «Habar 24» telearnasyna silteme jasap.
Biraq eskiniń kózin tozdyrmaı, saqtap júrgender de bar. Retrokólikterdi babynda ustap, búginge jetkizgen sheberler avtosherý ótkizdi. Elordalyq retrokólikter saparǵa shyqty.
Bul temir tulparlardyń aldy bul ólkege sonaý tyń ıgerý jyldary jetkizilgen. Qazir de syny ketip turǵan joq. Júrgizýshiler qalany aınala 90 shaqyrymdy júrip ótti. Barlyǵy –14 kólik.
«Qazir biz tehnıkaǵa jáne osy joldardy salǵan adamdarǵa qurmet bildirgimiz keledi. Biz mundaı avtosherýlerge árkez qatysyp turamyz. Bul uzaq jylǵy qalyptasqan dástúr», - deıdi retrokólik júrgizýshisi Vladıslav Karelın.
Tyń ıgerý naýqany sosıalızm tusyndaǵy iri qurylys ispetti. 1956 jyly Aqmola oblysy 238 mıllıonnan astam put astyq jınaǵan. Onyń 180 myńnan astamy memlekettik qabyldaý pýnkterine jetkizildi. 1958 jylǵy kórsetkishter odan da artyq boldy. Sol kezde oblystyń kolhozdary men sovhozdary memleketke 221 mıllıon 100 myń put bıdaı jınap berdi. Mine, osy astyqty Gaz-51, Zıl 164 júk kólikteri tasymaldy.
Bul negizinen túrli modıfıkasıadaǵy GAZ-51, Gaz-21 Volga, GAZ-69 kólikteri jáne ZIL -164. Eger baıqasańyz, olardyń tirkeýishimen birge júredi. Sondaı-aq janarmaı tasymaldaıtyn kólik bar - deıdi kásiporyn dırektory Erlan Barınov.
Retrokólikterdi qalpyna keltirýde eń qıyny qajet saıman tabý. Óıtkeni barlyǵynda qazir túpnusqa bólshekter tur. Sondyqtan sheberler múmkindik bolsa kóne kólikterdi ózgertpeı, bastapqy qalpynda saqtaýǵa tyrysady.