«Kishkentaı orman» jáne «Tonnel» atty eki fılm kórsetiledi
Qazaqstanda Koreı fılmderiniń festıvali etedi. Bul shara elimizde 11 márte ótkizilip otyr, dep habarlaıdy Almaty-akshamy.kz Inform.kz-ke silteme jasap.
Elordadaǵy Koreı mádenı ortalyǵynyń habarlaýynsha, festıvál aıasynda koreı fılmderi Taldyqorǵan (14 mamyr), Aqtaý (21 mamyr) jáne Qostanaı (28 mamyr) qalalarynda kórsetiledi.
Sońǵy birneshe jylda atalǵan festıvál koronavırýs jaǵdaıynyń ýshyǵýyna baılanysty onlaıyn formatta ótkizilgen. Alaıda bıyl eldegi epıdemıologıalyq ahýaldyń jaqsarýyna baılanysty fılmder oflaın kórsetilmek.
«Biraz jyldan beri COVID-19 taralýyna baılanysty bizdiń mádenı ortalyq sharalaryn ótkizýde qıynshylyqtar týyndaǵan bolatyn. Qazir jaǵdaı jaqsy jaqqa ózgerdi. Bıyl Qazaqstan men Ońtústik Koreıa arasyndaǵy mádenı jáne dıplomatıalyq qarym-qatynastardyń ornaǵanyna 30 jyl tolyp otyr. Osyǵan baılanysty bizde kóptegen shara ótkiziledi», - dedi elordadaǵy Koreı mádenı ortalyǵynyń dırektory Lı Heran.
Osy jolǵy festıválde qazaqstandyq kórermenderge «Kishkentaı orman» jáne «Tonnel» atty eki koreı kartınasy usynylmaq. Eki fılmde de Koreıanyń tynys tirshiligi, onda turatyn adamdardyń ómiri týraly qyzyqty sátter qamtylǵan.