Elimizde aýanyń lastanýyna sebepshi bolyp otyrǵan iri 16 kásiporyn bar.
Bul týraly Ekologıa, geologıa jáne tabıǵı resýrstar vıse-mınıstri Zúlfıa Súleımenova málim etti, dep habarlaıdy Almaty-akshamy.kz QazAqparatqa silteme jasap.
«Qazaqstannyń 45 ónerkásiptik aımaǵyndaǵy aýanyń lastaný deńgeıine monıtorıń júrgizildi. Nátıjesinde 10 aımaqta aýa sapasy nashar ekeni anyqtaldy.Nur-Sultan, Almaty, Qaraǵandy, Temirtaý, Atyraý, Aqtóbe, Balqash, Óskemen, Jezqazǵan jáne Shymkent qalalarynda aýanyń lastaný deńgeıi óte joǵary. Oǵan úsh negizgi faktor áser etedi. Máselen, Nur-Sultan men Almatyda jylytý elektrostansıalary aýaǵa zıandy qaldyqtardy kóp mólsherde bóledi. Temirtaý men Óskemende ekologıaǵa iri kólemde zıan keltiretin – ol ónerkásip. Al batys óńirlerde eskirgen káriz júıeleri aýany lastap otyr», – dedi vıse-mınıstr.
Zúlfıa Súleımenovanyń dereginshe, óńirlerdegi ekologıa ahýalyn jaqsatrý úshin 16 jol kartasy ázirlengen.
«Jol kartasyna sáıkes, 485 is-shara uıymdastyrý josparlanǵan. 2020 jyldan 2022 jyldyń birinshi toqsanyna deıin belgilengen jumystar 50%-ǵa aıaqtaldy. Osy sharalardyń nátıjesinde 2025 jylǵa qaraı 10 aımaqtaǵy ekologıanyń lastaný deńgeıi tómendeıdi dep boljap otyrmyz», - dep atap ótti Zúlfıa Súleımenova.
Vıse-mınıstrdiń aıtýynsha, atalǵan kompanıalar óz qarajattary esebinen zıandy qaldyqtar mólsherin 20-30%-ǵa deıin azaıtýǵa mindetteldi.