Naýryz aıynyń qorytyndysy boıynsha, temirjol tasymaly qyzmetiniń baǵasy bir jylda 1,6%-ǵa ósken.
Ranking.kz derekterine sáıkes, bir jyldyń ishinde elordada poıyz bıletteri 9,8%-ǵa qymbattaǵan. Al Jambyl, Mańǵystaý, Soltústik Qazaqstan jáne Túrkistan oblystarynda bılet baǵasy byltyrǵy jyldikin saqtap tur. Kerisinshe, Shymkent pen Qyzylorda oblystarynda baǵa 1,5% jáne 2% tómendegen, dep habarlaıdy Almaty-akshamy.kz.
Sonymen qatar temirjol tasymaly salasyndaǵy kompanıalardyń kirisi 20,8%-ǵa ósken. Bul degenimiz – 196,2 mlrd teńge. Onyń 185,2 mlrd teńgesi júk pen bagaj tasymalynan, al 11 mlrd teńgesi jolaýshylar tasymalynan túsken.
Jyl basynan aqpanǵa deıingi aralyqta temirjol arqyly 2,5 mln adam tasymaldanǵan. Byltyrǵy jylmen salystyrǵanda, 28,8%-ǵa artyq kórsetkish.