Shavkat Mırzıóevtiń Qazaqstanǵa memlekettik sapary aıasynda eki el prezıdentteri Ózbekstan elshiliginiń jańa ǵımaratynyń saltanatty ashylý rásimine qatysty.
Qasym-Jomart Toqaev pen Shavkat Mırzıóev jańadan salynǵan Ózbekstannyń Qazaqstandaǵy elshiligine bardy, dep habarlaıdy Almaty-akshamy.kz Aqordanyń resmı saıtyna silteme jasap.
Memleketter basshylary saltanatty sharada lenta qıǵan soń, Prezıdent orkestri eki eldiń memlekettik ánurandaryn oryndady. Budan keıin Qasym-Jomart Toqaev pen Shavkat Mırzıóev elshiliktiń jańa ǵımaratyn aralap shyqty.
Elshiliktiń ǵımaraty Nur-Sultan qalasyndaǵy Táýelsizdik dańǵylynyń boıynda, «Haziret Sultan» meshitine jaqyn jerde ornalasqan.