Bul - bir jarym jyl ishindegi kórsetkish.
Stopfake.kz saıty 1900-den astam feıkti joqqa shyǵardy, dep habarlaıdy Almaty-akshamy.kz Aqparat jáne qoǵamdyq damý mınıstrligine silteme jasap.
QR AQDM qurǵan Stopfake.kz saıty oqyrmandar aýdıtorıasynyń medıasaýattylyǵyn arttyrý boıynsha jumysty jalǵastyryp, Qazaqstannyń aqparattyq alańynda taratylǵan 900-ge jýyq jalǵan habarlamalardy joqqa shyǵardy. Jalpy, saıt jumys jasaǵan bir jarym jyl ishinde, 2020 jyldyń shildesinen bastap qazaq jáne orys tilderinde 2000-ǵa jýyq feıkter teriske shyǵaryldy.
StopFake saıtynyń jumysynyń nátıjesinde karantındik shekteýler týraly vırýstyq habarlamalar, COVID-19 vaksınasıasynyń qaýiptiligi týraly jańylys aqparlar, 2021 jylǵy parlamenttik saılaý týraly jalǵan aqparat jáne t.b. toqtatylǵanyn atap ótýge bolady. Áleýmettik jeliler men messendjerlerdiń turaqty monıtorıńi júrgiziledi. Sonymen qatar, resýrsta saraptamalyq suhbattar paıda bolyp, onda belgili bir habarlamalar ǵylymı turǵydan túsindirildi.
Stopfake.kz jobasy «Medıaǵa arnalǵan Medıa» qaǵıdaty boıynsha jumys isteıdi. Kún saıyn saıttaǵy materıaldardy Qazaqstannyń iri basylymdary, sondaı-aq sheteldik aqparattyq resýrstar qoldanady. Saıttaǵy eki tildi materıaldardan basqa, túrli maqalalar áleýmettik jelilerde taratylady. Qazirgi ýaqytta jobanyń kontenti 7 mıllıonnan astam ret ártúrli platformalarda qaraldy.