Oqý materıaldaryn sıfrly formatqa kóshirý arqyly pánderdi oqytýdyń ınovasıalyq tásilderi engiziledi.
Bul týraly Úkimet otyrysynda Oqý-aǵartý mınıstri Asqat Aımaǵambetov aıtty, dep habarlaıdy Almaty-akshamy.kz Elorda.info saıtyna silteme jasap.
Memleket basshysynyń saılaýaldy baǵdarlamasynda balalardyń ál-aýqaty men bilim máselelerine erekshe nazar aýdarylǵan.
«Oqýshylar úshin 50 saýyqtyrý lageri qurylady. Olardyń ádistemelik jáne mazmundyq jaǵy da qarastyrylady. Balalardy úıirmelermen jáne seksıalarmen qamtamasyz etý úshin buryn-sońdy bolmaǵan sharalar kózdelgen. Keminde 100 jańa iri nysan, ıaǵnı oqýshylar saraılaryn, jas tehnıkter stansalaryn, balalar tehnoparkterin, mýzyka jáne óner mektepterin salý josparlanyp otyr. Bul mektepten tys uıymdardyń balalardyń turatyn jerinen qadamdyq qoljetimdiligin qamtamasyz etedi», - dedi mınıstr.
Sonymen qosa, mınıstrdiń aıtýynsha, orta bilim boıynsha qajetti oqý materıaldaryn sıfrly formatqa kóshirý arqyly pánderdi oqytýdyń ınovasıalyq tásilderi engiziledi. Ekologıalyq bilim berý sapasyn arttyrý tásilderin qaıta qaraý josparda bar.