Oqý jylynyń bastalýyna qaraı 80-ge jýyq jańa mektep ashylady.
Jyl sońyna deıin barlyǵy 230-dan astam mektepti paıdalanýǵa berý josparlanyp otyr, dep habarlaıdy Almaty-akshamy.kz
«Memleket basshysynyń tapsyrmasy boıynsha 2025 jyldyń sońyna deıin elimizde 1 000 mektep salynady. Byltyr 277 mektep paıdalanýǵa berildi. Bıyl taǵy 230 mektepti ashý josparlanyp otyr. 1 qyrkúıekke deıin 80 mektep ashylady», - dedi Oqý-aǵartý vıse-mınıstri Ǵanı Beısembaev.
Onyń aıtýynsha, mektepterdi zań boıynsha ákimdikter qarjylandyryp, qurylysyn júrgizedi.
«Memlekettik satyp alýlar, jobalyq-smetalyq qujattardy daıyndaý, jer telimderin bólý, ınjenerlik ınfraqurylym, qurylys jumystaryn ońtaılandyrý qajet, qazir ol jumystarmen arnaıy jumys toby aınalysyp jatyr. Naqty qurylys salý, ákimdikterdiń mektep salmaı, úı salýǵa ruqsat berý tájirıbesi - ol bólek másele. Sonyń saldarynan qazirgi mektepter birden úsh aýysymǵa aınalady. Biz zań júzinde mundaı múmkindikti tolyǵymen joıýdy talap etemiz», - dep tolyqtyrdy Beısembaev.
Jańa mekteptiń basym kópshiligi demografıalyq ósim belsendi jáne oqýshylar orny jetkiliksiz aımaqtarda salynyp jatyr. Bul Almaty, Atyraý oblystary jáne Nur-Sultan, Almaty qalalary.
Óńirlerdegi 200-den astam mektepte kúrdeli jóndeý jumystary aıaqtalýǵa jaqyn.