Almatydaǵy ındýstrıalyq aımaqta ınfraqurylym durys damymaǵan.
Máselen, iri kásiporyndarǵa temirjol áli tartylmaǵan. Bul jaǵdaı munaı-gaz qubyrlaryn shyǵarý boıynsha halyqaralyq jobaǵa keri áserin tıgizip jatyr, dep habarlaıdy Almaty-akshamy.kz.
Sondaı-aq aımaqta geologıalyq túıtkilder bar, jerdiń quramy ár túrli. Sol sebepti qurylys júrgizý qıyn. Atalmysh máseleler Májilis depýtatynyń kásiporyndarǵa barǵan sapary kezinde kóterildi. Atap aıtsaq, búginde Almatydaǵy ındýstrıalyq aımaqta 19 mekeme jumys isteıdi. Onyń ınfraqurylymyna búdjetten 31 mıllıard teńge jumsalǵan. Degenmen kásipkerler joǵaryda atalǵan qıyndyqtarǵa qaramastan, atalmysh óndiris oryndarynan 2015 jyldan beri 127 mıllıard teńge tabys tapqan.
«Osyndaı ózin-ózi aqtaıtyn mekemeler ashylsa, onda Qazaqstan damıdy, jaǵdaı durystalady. Almaty qalasynda qanshama kolej bar. Stýdentterdi osy jerge ákelip, tájirıbeden ótkizý kerek», - dedi QR Parlamenti Májilisiniń depýtaty Syrym Adambaev.