2022 jyly jyl qusy bulbul bolǵan edi.
Qazaqstanda jyl qusy retinde kókqus tańdaldy, dep habarlaıdy Almaty-akshamy.kz.
Kókqus QR Qyzyl kitabyna engizilgen. Onyń taýly ózenderdiń arqyraǵan dybysyn basatyn ózine tán sybyzǵy ysqyryq únin shatastyrý múmkin emes.
Kókqus (Myophonus caeruleus) — Qazaqstannyń ońtústik óńiri taýly ózen boılaryn meken etetin túr. Qysta ońtústikke qaraı betteıdi, alaıda birshama bóligi tómen taýly beldeýlerde qystaıdy. Sońǵy jyldary bórdvocherler (qustardy baqylaýshylar) birli-jarymy Almatyda qystaıtynyn baıqaǵan. Sý ústindegi quzdyń kertesh jerlerinde, kópirdiń tirekterinde, t.b. uıalaıdy, 4-6 jumyrtqadan salady. Sý jáne jerústi omyrtqasyzdarmen, kesirtke, kemirgishter, keıde usaq qus jáne balyqtarmen qorektenedi, kúzde jáne qysta jıdekterdi azyq etedi.
Túrge qaýip – saýda maqsatymen zańsyz aýlaý, sońǵy ýaqytta taýlardaǵy jappaı demalýǵa qatysty damylsyzdyq kórinis alady. Ornıtologtar saıahatshylarǵa taý bókteri jolynan múmkindiginshe aýytqymaýyna keńes beredi, ásirese, kóptegen qustardyń uıa salý merzimi – kóktemde jáne jazdyń basynda.
Jyl qusyn Qazaqstan bıoalýantúrlilikti saqtaý asosıasıasy músheleri onlaın daýys berý arqyly tańdap aldy. Qustardyń eki túri — jorǵatorǵaı jáne kókqustan daýys berýshilerdiń 64%-y kókqusty tańdady.
Qus túrin Qazaqstannyń qustardy qorǵaý odaǵy jáne Qazaqstan bıoalýantúrlilikti saqtaý asosıasıasy ornıtologtary usyndy.
Daýys berý alty kúnge sozylyp, 15 qańtar kúni aıaqtaldy.