Osyǵan qatysty mán-jaıdy Qarjy mınıstrligi túsindirdi.
Qazaqstannyń Búdjet kodeksine «Úmitsiz bereshek» túsinigin engizip, ol boıynsha kredıtordyń talaptaryn toqtatý usynyldy, dep habarlaıdy Almaty-akshamy.kz 24.kz-ke silteme jasap.
Biraq «bul 90-shy jyldardaǵy ótelmegen qaryzdarmen baılanysty. Eldiń nesıe portfelin merzimi ótken bereshekten tazartý úshin jasalyp otyr. Jobada boryshkerlerdiń quqyqtyq jaǵdaıy týraly eshqandaı aqparat joq. Ádilet mınıstrliginiń derekter bazasynda da olar týraly aqparattyń joqtyǵy atap kórsetilgen.
«Osyǵan baılanysty, qoldanystaǵy búdjet zańnamasy aıasynda bar bereshekterdi óndirip alý, sondaı-aq olardy esepten shyǵarý boıynsha odan ári jumys júrgizý múmkin emes», – delingen habarlamada.
Qarjy mınıstrliginiń aqparatyna sensek, «Áńgime halyqqa (jeke tulǵalarǵa) berilgen nesıeler týraly emes, 90-jyldary tikeleı bızneske berilgen búdjettik kredıtter týraly bolyp otyr. Memleketten alynǵan qandaı somany esepten shyǵaratyny ázirge belgisiz.
Bir anyǵy, «Qaryz alýshylar men rastaıtyn qujattardy izdeý jalǵasyp jatyr. Biraq jyl basynda qaryz shamamen 120 mıllıard teńge bolǵan. Al Úkimettiń talaptaryn toqtatý zańmen belgilenbegen», - dedi vedomstvonyń baspasóz qyzmeti.