Reısterdi negizsiz keshiktirý syndy olqylyqtar da týrızm salasynyń damýyna kedergi jasap tur.
Bul týraly búgin Májilistiń jalpy otyrysynda depýtat Elnur Beısenbaev Úkimet basshysynyń atyna joldaǵan depýtattyq saýalynda málimdedi, dep habarlaıdy Almaty-akshamy.kz.
Transporttyq júıe rettelmegendikten, týrıser elimizdiń barlyq tabıǵı sulýlyǵyna kóz jetkize almaıdy. Sondyqtan saıahatshylardan túsetin shaǵymnyń kóbi áýe joldarymen júrýge qatysty.
Eýropany aıtpaǵanda, Ortalyq Azıa jáne ózge jekelegen memlekettermen baılanystyratyn halyqaralyq týrısik júıeni qalyptastyra almadyq, - deıdi depýtat. Al «Jibek joly» boıyndaǵy temirjol marshrýttarynyń ornyn kórshiles Ózbekstan tıimdi paıdalanyp otyr deıdi
«Avtokólikpen júretin joldardyń jaǵdaıy syn kótermeıtini týraly depýtattyq saýaldardyń sanynda esep joq. Tipti, Memleket basshynyń ózi bul máseleni sheshetin ýaqyt jetti dep Úkimetti súırelep júrgenin bilemiz. Bir ǵana mysal, elimiz boıynsha eń keminde 4 myń shaqyrymnan asatyn 166 baǵyt boıynsha avtomobıl joldaryn jóndeý men rekonstrýksıalaý qajettiligi anyqtalýda»,- deıdi QR Parlamenti Májilisiniń depýtaty Elnur Beısenbaev.
Depýtattyń bul saýalyna qatysty Májilis tóraǵasy bul jaǵdaıdyń shyndyǵynda ózekti ekenin ári qoldaıtynyn aıtty.
«Ózekti problemany kóterip otyr, biz, shynynda da, kóptegen jyldar boıy selqos, júıesiz jumystyń arqasynda kóptegen pozısıamyzdy joǵaltyp jatyrmyz. Kórshi memleketter alyp ketip jatyr. Sondyqtan men qoldaımyn»,- dedi QR Parlamenti Májilisiniń tóraǵasy Erlan Qoshanov.