İs-sharaǵa ár ulttyń mádenı ortalyǵy qatysty.
Yrys pen yntymaqtyń, bereke men birliktiń jarshysyna aınalǵan Ulystyń uly kúnin toılaýda Almatydaǵy Dostyq úıi de qalyspady, dep habarlaıdy Almaty-akshamy.kz.
İs-sharaǵa ár ulttyń mádenı ortalyǵy qatysty. Mereke aıasynda ulttyq sport túrleri boıynsha jarys ótkizilip, taǵamdar festıvali uıymdastyryldy. Al arnaıy daıyndalǵan «Naýryz» konserttik baǵdarlamasy kelgen kópshilikti qýanyshqa bólep, merekelik kóńil-kúı syılady.
«Naýryz meıramy – Qazaqstanda ómir súrip jatqan etnostardyń uıytqysy. Búgingi meıram bir-birimizdi qosyp, qazaqstandyqtardy alǵa bastaıdy. Jańa jyl qazaq jerinde baqyt ákelsin! Qazaqstannyń aspany ár ýaqytta búgingideı ashyq bolsyn», – dedi Ulttyq quryltaıdyń múshesi Shaımardan Nurymov.