Sapaly jol
QazjolǴZI qyzmetkerleri Aqtoǵaı – Balqash avtomobıl jolynyń 415-shi shaqyrym ýchaskesindegi jol konstrýksıasynyń sý-jylý rejımine monıtorıń júrgizetin dachık ornatty, dep habarlaıdy Almaty-akshamy.kz QazAqparatqa silteme jasap.
Bul monıtorıń júıesi Qazaqstannyń jol jelisinde alǵash ret qoldanylady jáne arnaıy qurastyrylǵan.
Ol stasıonarlyq baqylaý núktelerinde jol konstrýksıasynyń sý-jylý rejımi parametrlerin avtomatty túrde jınaýdy júzege asyrady jáne monıtorıń ortalyǵynda derekterdi shoǵyrlandyrady.
QazjolǴZI zerthanasynda dachıkterdiń árbir jıyntyǵyn ornatý aldynda olardy kalıbrleý júrgizildi.
Kalıbrleý jol tóseminiń materıaldary men jer tóseminiń topyraqtarynyń ártúrli túrleri úshin júzege asyryldy.
Sondaı-aq, eksperımenttik ýchaskede dachıkterdi ornatý kezinde baǵdarlamalyq qamtamasyz etýdi pysyqtaý/baıqaýdan ótkizý, servermen qosylý, GPRS arnalary boıynsha monıtorıń ortalyǵyna stasıonarlyq baqylaý núkteleriniń (TQK) derekterin berý úshin jelini kúıge keltirýdi júrgizý jáne t. b. talap etiletinin atap ótý qajet.
Ornatylǵan dachıkter Qazaqstannyń ártúrli klımattyq jaǵdaılary kezinde jol konstrýksıasynyń sý-jylý rejımine tolyq aýqymdy zertteýler júrgizýge múmkindik beredi. Bul klımattyń ózgerýin eskere otyryp, elimizdiń túrli óńirlerinde avtomobıl joldaryn salý, rekonstrýksıa jáne jóndeý tehnologıasyn túzetýge múmkindik beredi.