Jarys 23 sáýirde márege jetedi
Qazaqstannyń birinshi, álemniń 7-raketkasy Elena Rybakına Germanıanyń Shtýtgart qalasynda WTA 500 týrnırin jeńispen bastady, dep habarlaıdy Almaty-akshamy.kz QazAqparatqa silteme jasap.
Qazaqstannyń kóshbasshy tenısshisi bastapqy kezdesýin dúnıejúzilik reıtıńide 65-orynda turǵan germanıalyq Iýle Nımaıermen ótkizdi.
Qarsylastardyń buǵan deıin ózara joldary toqaılaspaǵan edi.
Elena Rybakına bir jarym saǵatqa sozylǵan machta 7:5, 6:3 esebimen jeńiske jetti.
Qazaqstandyq sportshy 9 eıs jasap, 5 breık-poınttyń úsheýin óz esebine jazdy. Qarsylasy 2 eıs, 1 breıkpen (6 breık-poınt) kózge tústi.
E. Rybakına shırek fınalǵa shyǵý úshin álemniń 14-raketkasy, brazılıalyq Beatrıs Haddad Maııamen talasady.
Júlde qory 780 637 AQSH dollaryna baǵalanǵan jarys 23 sáýirde márege jetedi.
Eske sala keteıik, budan buryn Elena Rybakınanyń Shtýtgart týrnırindegi qarsylasy anyqtalǵanyn jazǵan edik.