Ol densaýlyǵyna baılanysty Almatydaǵy kezdesýin keıinge qaldyrdy.
Ýımbldon chempıony Elena Rybakına Almatydaǵy kezdesýin keıinge qaldyrdy, dep habarlaıdy Almaty-akshamy.kz.
Qazaqstan tenıs federasıasynan málim etkendeı, Elena Rybakına shildeniń 13 kúni Almatyǵa kelýdi josparlap edi.
«Qymbatty almatylyqtar! Ýımbldondaǵy jeńisten keıingi qýanyshty bólisý úshin búgin sizderge jetemin be dep oılap edim. Ókinishke qaraı, sońǵy kúnderdegi sharshaǵandyq pen júıkege túsken salmaq josparymdy ózgertip jiberdi. Tolyq qalpyma kelý úshin úzilis alýǵa týra keldi. Sizdiń tamasha qalańyzǵa kelesi joly mindetti túrde baramyn. Túsinistik tanytyp, qoldaý kórsetkenderińiz úshin alǵys aıtamyn», - dedi Elena Rybakına.
Shildeniń 12 kúni Elena elordada bolyp, birneshe kezdesý ótkizgen edi.