Osy toqsanda oqý formaty qandaı bolady?
QR Bilim jáne ǵylym mınıstrligi úshinshi toqsandaǵy mektep oqýshylarynyń oqý formaty qalaı bolatynyn túsindirdi, dep habarlady Almaty-akshamy.kz.
Mektepke deıingi jáne orta bilim komıteti tóraıymy Gúlmıra Karımovanyń aıtýynsha, III toqsan 18 naýryzǵa deıin jalǵasady. Oqý ártúrli formatta bolady. Respýblıkalyq mańyzy bar úsh qalanyń oqýshylary ázirshe onlaın rejımde bilim alady.
«Bizdiń mınıstrliktiń ustanymy mektep oqýshylarynyń dástúrli formatta oqyǵany jáne sol úshin de bar jaǵdaıdy jasaıdy. Degenmen epıdjaǵdaıdyń kúrdelene túsýine baılanysty elimizdiń 3 qalasynda Nur-Sultan, Almaty jáne Shymkentte oqýshylar qashyqtan, ıanǵı onlaın formatta oqıtyn bolady. Qazirgi ýaqytta mektepterdi tehnıkalyq turǵydan qamtý jumysy aıaqtalyp jatyr. 1-2 synyp oqýshylary olardyń jas ereksheligin eskere otyryp sabaqty mektepke kelip oqıdy. 3-5 synyp oqýshylary kezekshi top formatynda bilim alady. Al qalǵan synyptar qashyqtan oqýǵa kóshýi tıis. Sondaı-aq, mektepte 600 oqýshydan az bolsa, ol mektepke dástúrli formatta bilim berýge ruqsat», – dedi Gúlmıra Karımova OKQ-de onlaın ótken baspasóz máslıhatynda.