Mal urlyǵyn anyqtaý jáne onyń jolyn kesý maqsatynda İshki ister mınıstrligi jedel-profılaktıkalyq is-sharalaryn júıeli túrde júrgizedi.
Jyl basynan beri polısıa mal urlyǵyn kásip etken 200-den astam adamdy, onyń ishinde 26 qylmystyq topty quryqtady, dep habarlaıdy Almaty-akshamy.kz Polisia.kz-ke silteme jasap.
Bıyl osy qylmys úshin 65-ten astam adam sottaldy, olardyń jartysy temir torǵa toǵytylyp, 5 jyldan kóp merzim arqalady. Qylmystyń bul túrimen kúres jolǵa qoıylǵan. Óńirlerde túlik ıelerine túsindirý jumystary júrgizilip, mal bazarlary men et ónimderin satatyn oryndar, mal soıý sehtary únemi tekseriledi.
Almaty, Túrkistan jáne Batys Qazaqstan oblystarynda mal urlyǵyn kásip etken qylmystyq toptar anyqtaldy. Qaskúnemder urlanǵan maldy júk kóligine tıep, áketip otyrǵan. Negizgi kúdiktilerden bólek tasymaldaýshylar jáne satyp alýshylar quryqtaldy. Esterińizge sala keteıik, 2019 jyly Memleket basshysynyń tapsyrmasy boıynsha mal urlyǵy úshin jaýapkershilik kúsheıtildi. Qylmystyq kodekske “Mal urlyǵy” degen jeke bap engizildi. Nátıjesinde Qazaqstanda sońǵy 5 jylda mal urlyǵynyń sany 32%-ǵa tómendedi.
Mal urlyǵynyń aldyn alý úshin İİM qaýipsizdik sharalaryn ustanýǵa shaqyrady: – maldy qaraýsyz qaldyrmańyz; – asyl tuqymdy maldy baqylaýdyń zamanaýı ádisterin qoldanyńyz; – maldy mindetti túrde tańbalańyz.