Qazaqstanda jemqorlyq 25%-ǵa ósti.
Jemqorlyqqa eldiń eti úırengen sıaqty. Bıyldyń ózinde qý qulqynnyń qulyna aınalǵan 345 qylmysker sottaldy, dep habarlaıdy Almaty-akshamy.kz «Habar 24» saıtyna silteme jasap.
Barlyǵy da qolyndaǵy qarjysyn, basyndaǵy bıligin asyra paıdalanyp, máseleni mámilemen sheshkisi kelgender. Jyl basynan beri elimizde barlyǵy 1409 sybaılas jemqorlyq qylmysy tirkelipti. Bul kórsetkish, ásirese, iri qalalarda beleń alǵan.
Máselen, jemqorlyqtyń eń joǵary deńgeıi – Qaraǵandy oblysynda. Dálirek aıtsaq, eldegi kórsetkishtiń 13%-yn osy óńir qurap otyr. Al Almaty oblysy – 8% men Túrkistan – 7% enshiledi. İri megopolısterde de ahýal ýshyqqan. Almaty, Nur-Sultan jáne Shymkent qalalarynyń kórsetkishteri shamalas. Árqaısysyna 7 paıyzdan tıesili.
Jemqorlyqtyń eń joǵary deńgeıi:
Qaraǵandy oblysy – 13,3%
Almaty qalasy – 7,8%
Almaty oblysy – 8,8%
Nur-Sultan qalasy – 7,7%
Túrkistan oblysy – 7,8%
Shymkent qalasy – 7,6%