Kúlli musylman qaýymnyń qasıetti merekesi - Qurban aıt búgin bastaldy.
Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev Qazaqstan halqyn Qurban aıtpen quttyqtady, dep habarlaıdy Almaty-akshamy.kz Elbasy.kz saıtyna silteme jasap.
«Qurmetti otandastar! Barshańyzdy qasıetti Qurban aıt meıramymen shyn júrekten quttyqtaımyn! Qurban aıt – adamdardy beıbitshilik pen birlikke, meıirimdilik pen izgilikke úndeıtin jarqyn mereke. Qazaqstandyqtar úshin bul meıramnyń mańyzy erekshe. Ol adamgershilik jáne rýhanı qundylyqtardy nasıhattap, túrli ult pen din ókilderi arasyndaǵy aýyzbirlik pen syılastyqty arttyrýǵa septigin tıgizedi. Aıt kúnderi árbir adam ıgi ister jasap, rýhanı tazarýǵa, qurban shalyp, kómekke muqtaj jandarǵa qol ushyn sozýǵa tyrysady. Qazirgi tańda Qurban aıt meıramy jaqsylyqtyń jarshysyna aınalyp, elimizde tatýlyq pen kelisimdi nyǵaıtýǵa uıtqy bolyp otyr. Aldaǵy ýaqytta da solaı bolaryna kámil senemin. Osynaý qasterli merekede árbir shańyraqqa shattyq, tynyshtyq pen baq-bereke tileımin! Aıt qabyl bolsyn!» - delingen Tuńǵysh Prezıdenttiń quttyqtaýynda.