Qasqyrlardyń sany shamamen 14 408 basty qurap otyr.
Qazaqstandyq ekologtar memlekettegi qasqyrdyń sanyn retteý jumystaryn der kezinde júrgizilip otyratynyn aıtyp otyr, dep habarlaıdy Almaty-akshamy.kz.
«Jergilikti jerlerde qasqyrlardy esepke alýdy ańshylyq paıdalanýshylar, erekshe qorǵalatyn tabıǵı aýmaqtardyń jáne oblystyq orman sharýashylyǵy jáne janýarlar dúnıesi aýmaqtyq ınspeksıalarynyń mamandary júrgizedi. Olar halyq densaýlyǵyn saqtaý, aýyl sharýashylyǵy jáne basqa da úı janýarlaryn aýrýlardan qorǵaý, qorshaǵan ortaǵa zalal keltirýdiń aldyn alý, aýyl sharýashylyǵy qyzmetine eleýli zalal keltirý qaýpiniń aldyn alý maqsatynda sany retteýge jatatyn janýarlar túrleriniń tizbesine engizilgen», – delingen mınıstrlik habarlamasynda.
Adamnyń qasqyrmen baılanysy bizdiń elimizdiń barlyq aımaqtarynda kezdesedi, ásirese mal sharýashylyǵy belsendi aýdandarda ótkir baıqalady. Osy rette, qasqyr popýlásıasyn tıimdi basqarýdyń maqsaty - olardyń sanyn ekojúıelerdegi fýnksıalaryn buzbaı, tıimdi retteý.
Ótken jyly el aýmaǵyndaǵy qasqyrlardyń sany shamamen 14 408 basty quraǵan (Anyqtama. 2019 jyly 12812 qasqyr tirkeldi). Qasqyrdy retteý Qazaqstannyń barlyq oblystarynda júrgiziledi. Tek Soltústik Qazaqstan oblysynda óńirdiń geografıalyq derekterine baılanysty otyryqshy qasqyr emes, ókpek qasqyr kezdesedi.
Qasqyr óte plasıkalyq janýarlar túri bolǵandyqtan, klımattyq, geografıalyq jaǵdaılarǵa, sondaı-aq azyq-túlik bazasyna baılanysty onyń popýlásıasy ár túrli bolady.
Sonymen qatar, qasqyrlardy retteýge tyıym salynbaǵan. Onyń sany kúrt tómendegen jaǵdaıda, Orman sharýashylyǵy jáne janýarlar dúnıesi komıteti tıisti sharalar qabyldaıtynyn habarlaımyz.