Elimizdiń azamattaryna birneshe jerde jumys isteýge tyıym salynady degen aqparat kópshiliktiń narazylyǵyn týǵyzdy. Narazylyqqa sebep – QR Eńbek kodeksiniń keıbir normalaryn azamattardyń durys túsinbeýin týyndady. Aqshamnews.kz tilshisi qazaqstandyqtar bir mezgilde birneshe jerde jumys isteı ala ma degen suraqtyń jaýabyn naqtylaý úshin QR Eńbek jáne halyqty áleýmettik qorǵaý mınıstrligine habarlasty.
«QR Eńbek kodeksine sáıkes, jumysker birneshe jerde jáne ártúrli jumys berýshide eńbek etýge quqyly. Bul jerde eskeretin jaı, jumys ýaqyty táýlik ishinde 12 saǵattan aspaýy tıis. Mysaly, qazirgi tańda mıdısına qyzmetkerleri arasynda kúnine 6 saǵattan 2 uıymda jumys isteý tájirıbesi keń taralaǵn, al tazalyq jumystary boıynsha mamandar 3 túrli jumys berýshige 4 saǵattan qyzmet kórsete alady. Qyzmet salasynyń erekshelikterine baılanysty býhgalterler, santehnıkter, elektrıkter, kúzetshiler, baǵdarlama jasaýshylar, pedagogtar, jýrnalıser jáne ózge de mamandyq ıeleriniń 2-3 jumys ornynda qatar eńbek etetini jıi kezdesedi. Atap aıtý kerek, 18 jasqa tolmaǵandarǵa, sondaı-aq aýyr, zıandy, qaýipti eńbek jaǵdaıynda eńbek etetin jumyskerlerge qosymsha jumysqa ornalasýǵa ruqsat etilmeıdi. Sonymen qatar QR Memlekettik qyzmet týraly zańyna sáıkes, memlekettik qyzmetshilerge qosymsha jumys isteýge tyıym salynady. Óıtkeni olar pedagogıkalyq, ǵylymı, shyǵarmashylyq qyzmetten basqa aqyly qyzmetpen aınalysýǵa quqyly emes. Joǵaryda kórsetilgen shekteýlerge jatpaıtyn, kámeletke tolǵan kez kelgen QR azamaty qosymsha jumys isteýge quqyly.», - dedi QR EHÁQM Eńbek ınspeksıasy komıteti tóraǵasynyń orynbasary Erbolat Abýlhatın.