Qytaıda alty mln-ǵa jýyq adam úıden shyǵa almaı qaldy
Qytaıdyń Anán qalasynda 2 adam "omıkron" juqtyrý saldarynan búkil qalany lokdaýnǵa jaýyp tastady, dep habarlaıdy Almaty-akshamy.kz Habar 24-ke silteme jasap.
Endi 5 jarym mıllıon turǵyn sebepsiz úıden shyǵa almaıdy. Kóshede kólik qozǵalysy da shekteldi. Tek eń qajetti taýarlar satatyn dúkender ǵana ashyq tur. Qalǵany jumys istemeıdi.
Aıta ketken jón, buǵan deıin osy Anán ornalasqan Henan provınsıasyndaǵy taǵy bir qala Tán-szınde de jartylaı lokdaýn jarıalanǵan edi. Munda da tek 2 adamnan "omıkron" anyqtalǵan. 14 mıllıondaı turǵyny bar shahardaǵy barlyq adam test tapsyrýǵa mindetteldi. Munda da júris-turys pen kólik qozǵalysy shekteldi.
Bıliktiń mundaı qatań sharalar qabyldaýy beker emes. Óıtkeni kelesi aıda Beıjińde Qysqy Olımpıada oıyndary bastalady.