Munda ótinish berýshi týraly barlyq derek memlekettik organdardyń derekqorynan avtomatty túrde alynady.
EGov.kz portaly men eGov Mobile mobıldi qosymshasynda múmkindigi shekteýli jandarǵa áleýmettik tólemder taǵaıyndaý boıynsha jańa qyzmet túri iske qosyldy, dep habarlaıdy Almaty-akshamy.kz «Ulttyq aqparattyq tehnologıalar» AQ Qoǵammen baılanys basqarmasyna silteme jasap.
Aqparatqa sáıkes, bul qyzmet túriniń ereksheligi qyzmetti onlaın alǵan kezde ótinish berýshi týraly barlyq derek memlekettik organdardyń derekqorynan avtomatty túrde alynady. Eger derekter durys engizilse, onda ótinish berýshini rastaıtyn aqparat ekranǵa shyǵady.
Mamandardyń aıtýynsha, osy ýaqytqa deıin mundaı qyzmet túri Halyqqa qyzmet kórsetý ortalyqtarynda jáne medısınalyq-áleýmettik saraptama bólimshelerinde qaǵaz túrinde kórsetilip, kóp ýaqyt alǵan kórinedi.
«Ulttyq aqparattyq tehnologıalar» AQ komandasy múmkindigi shekteýli jandar úshin qajetti jáne suranysqa ıe memlekettik qyzmetterdi sıfrlandyrý boıynsha jumysty jalǵastyrýda. Buryn eńbekke jaramsyzdyq boıynsha tólemderdi alý úshin anyqtamalardy qaǵaz túrinde usyný kerek bolatyn, qazir qyzmetti alý prosesi jeńildetildi, paıdalanýshyǵa óz derekteriniń durystyǵyn tekserip, qyzmetke qol qoıý jetkilikti. Barlyq qajetti aqparat memlekettik organdardyń derekqorynan avtomatty túrde tartylady», - dedi kompanıanyń Basqarma tóraǵasy Rostıslav Konáshkın.
eGov.kz portaly «Eńbekke qabilettiliginen aıyrylý jaǵdaıyna áleýmettik tólem taǵaıyndaý» qyzmetin alý úshin:
- eGov.kz portalynda avtorızasıadan ótý kerek;
- basty bette «Azamattarǵa» - «Áleýmettik qamtamasyz etý» - "Múgedek adamdardy qoldaý» ótý qajet;
- «Eńbekke qabilettiliginen aıyrylý jaǵdaıyna áleýmettik tólem taǵaıyndaý» qyzmetin tańdaý kerek;
- onlaın qyzmetke tapsyrys berý kerek;
- ESQ kómegimen qyzmetke qol qoıyp, qyzmetti onlaın alýǵa bolady.
Qyzmet kórsetý merzimi – 8 jumys kúni.
Jeke kabınette («Qyzmetterdi alý tarıhy» bóliminde) elektrondyq qujat pen suraý salýdyń nátıjesi týraly habarlamamen tanysý qajet.
Al, eGov mobile mobıldi qosymshasynda bul qyzmet túri «Jeńildikter, járdemaqylar jáne zeınetaqylar» bóliminde qoljetimdi.