Osy jyldar ishinde qazaqstandyqtar qansha qyzmet aldy?
«Ulttyq aqparattyq tehnologıalar» AQ basqarma tóraǵasy Rostıslav Konáshkınniń aıtýynsha, osy 17 jyldyń ishinde portalǵa 14 mln qoldanýshy tirkelip, 400 mıllıonnan astam qyzmet alǵan, dep habarlaıdy Almaty-akshamy.kz QazAqparatqa silteme jasap.
«Elektrondy úkimet portaly osydan týra 17 jyl buryn iske qosylǵan edi. Búgingi tańda 14 adam onyń qoldanýshysy bolyp otyr. Bul portal azamattar men memlekettiń, bıznes pen memlekettiń arasyndaǵy ózara árekettiń negizgi quralyna aınaldy. Memleket kórsetetin qyzmetterdi jeńildetip qana qoımaı, jemqorlyq táýekelderin tómendetip otyr. Azamattardyń ómirin qolaıly ete tústi», - dedi Rostıslav Konáshkın.
Sondaı-aq, ol elektrondy úkimet jobasyn jetildirý jumystary Qazaqstandy BUU-nyń sıfrlyq reıtıńterindegi ornyn nyǵaıtqanyn aıtty.
«Elektrondy úkimet jobasy boıynsha álemdegi kóshbasshy elderdiń qataryna kirip otyrmyz. Onlaın qyzmetter kórsetý jóninen alǵashqy ondyqqa kiremiz. Osy jyldyń aıaǵyna deıin elektrondy negizde smartfon arqyly kórsetiletin memleket qyzmetteriniń úlesin 90%-ǵa jetkizý mindeti tur. Mobıldi qosymshany qazirdiń ózinde 3 mıllıondaı adam qoldanyp júr. Bulardyń bári aı saıyn onyń qyzmetine júginetin belsendi qoldanýshylar», - dedi «Ulttyq aqparattyq tehnologıalar» AQ basqarma tóraǵasy.