Almatyda QBTÝ alańynda "Bolashaq bilim berý – ekojúıe, tehnologıa, adam" taqyrybynda EDUFEST-2026 konferensıasy ótti. Bul konferensıa bilim berýdi balabaqshadan bastap JOO-ǵa deıin birtutas ekojúıe retinde qarastyrýǵa basymdyq beredi. İs-sharada ne talqylandy? Materıaldan bilińiz.
Seriktestik ózegi: bilimge salynǵan uzaqmerzimdi ınvestısıa
EDUFEST-2026 aıasynda Halyk qory bilim berýdi qoldaýdy jas qazaqstandyqtardyń bolashaǵyna salynǵan naqty ınvestısıa retinde qarastyratynyn atap ótti. Qor dırektory Saǵynbek Shúnkeevtiń aıtýynsha, adam kapıtalyn damytý oqytýshydan bastalady jáne dál osy sebepti qor pedagogter quramyn damytýǵa erekshe mán beredi.
"Biz EDUFEST-2026-ǵa qoldaý kórsetemiz, óıtkeni adam kapıtalyn damytý oqytýshydan bastalady. Zamanaýı bilim berý praktıkasy men tehnologıasynyń barlyq óńirdegi pedagogtar men basqarýshy komandalarǵa qoljetimdi bolýy mańyzdy", – dedi qor ókili.
Óńirlerge qoljetimdi zamanaýı praktıka
Konferensıa mazmuny tek trendtegi taqyryptardy talqylap qana qoımaı, JI men EdTech quraldaryn jaýapkershilikpen engizýdiń naqty senarılerin usynýǵa quryldy. Uıymdastyrýshylardyń biri – NNEF QQ bilim bóliminiń basshysy Marıa Kovjasarova EDUFEST-ti "balabaqsha–mektep–kolej–JOO" arasyndaǵy sabaqtastyqty júıeleıtin praktıkalyq alań retinde sıpattady. Onyń pikirinshe, tehnologıa pedagogtyń jumysyn jeńildetip, eń basty qundylyqqa – ár balanyń áleýetin ashýǵa qyzmet etýge tıis.
Ýnıversıtet alańy – qoǵamǵa ashyq dıalog keńistigi
QBTÝ tarapynan forým ýnıversıtettiń ashyq qoǵamdyq ınstıtýt retindegi mısıasyn jalǵastyryp otyrǵany aıtyldy. "QBTÝ" AQ áleýmettik jáne tárbıe máseleleri jónindegi prorektordyń m.a. Sábıt Sultanov bilim berý qoǵam damýynyń strategıalyq resýrsy ekenin atap ótip, EDUFEST-tiń mektep pen joǵary bilim, ári ómir boıy oqý arasyndaǵy baılanystardy nyǵaıtatyn ortaǵa aınalǵanyn jetkizdi.
JI: múmkindikpen qatar jaýapkershilik te bar
Paneldik pikirtalastardyń ózeginde JI quraldaryn engizýdiń paıdasy men táýekeli, akademıalyq adaldyq jáne uzaqmerzimdi saldar máseleleri kóterildi. Spıkerlerdiń aıtýynsha, mektep deńgeıinde tehnologıany engizý "ne engizemiz?" degennen buryn, "qalaı engizemiz?" degen suraqqa tireledi. Osy tusta EDUFEST-tiń qundylyǵy — sheshimderdi teorıamen emes, tájirıbelik keıstermen kórsetýinde boldy.
“Aımaqtarǵa birdeı qoljetimdilik” qaǵıdasy
EDUFEST-2026-nyń basty erekshelikteriniń biri – bilim berý tehnologıalary men zamanaýı ádistemelerdiń tek megapolıste emes, barlyq óńirdegi pedagogter men basqarý komandalaryna birdeı jetýi keregine mán berilýinde boldy. Bul ıdeıa Halyk qorynyń seriktestik ustanymymen tikeleı qabysady: qor qoldaýy forýmdy bir kúndik is-sharadan júıeli áseri bar kásibı platformaǵa aınaldyrýdy kózdeıdi.
İs-tájirıbe, demozona jáne EduDebate: teorıadan nátıje shyǵarýǵa deıin
Konferensıa baǵdarlamasy praktıkalyq formattarǵa qurylǵan: keynote baıandamalar, EdTalks panelderi, ınteraktıvti sesıalar, fasılıtasıalanǵan talqylaýlar, EdTech demozonalar, VR/AR aımaqtary jáne stýdenttik EduDebate debattary. Bul tásil pedagogterge daıyn "resept" emes, óz mektebi/ujymyna beıimdeýge bolatyn naqty quraldar men senarıler usynýǵa baǵyttalǵan.
EDUFEST-2026 ne úshin mańyzdy?
EDUFEST-2026 — bilim berýdiń bolashaǵyn tek tehnologıa arqyly emes, adam kapıtalynyń sapasy arqyly ólsheıtin dıalog alańy. Bul jerde Halyk qorynyń seriktestigi sheshýshi mánge ıe: qarjylyq demeýshilik qana emes, ulttyq deńgeıdegi adamı áleýetti kúsheıtýge baǵyttalǵan uzaqmerzimdi kózqaras kórinis tapty.
Aıta keteıik, shara NNEF Qoǵamdyq qory, QBTÝ jáne MIRAS halyqaralyq mektepteriniń uıymdastyrýymen ótti. Bas seriktes – Tımýr Qulybaevtyń Halyk qaıyrymdylyq qory.