Almaty qalasy Mádenıet basqarmasyna qarasty haıuanattar baǵynda 8-18 qańtar kúnderí ūıymdastyrylǵan «Shyrshany tapsyr» ekologıyalyq aktsıyasy máresíne jettí.
Aktsıya ayasynda qala tūrǵyndary jańa jyldyq tabıǵı shyrsha, maıqaraǵaı jáne qaraǵaı aǵashtaryn haıuanattar baǵyna ótkízíp, januarlardyń meken etu ortasyn jaqsartuǵa atsalysty, - dep habarlaıdy aqshamnews.kz.
Jınalǵan aǵashtar tūyaqty januarlardyń keı túrlerí úshín azyq qana emes, sonymen qatar maımyldar, jolbarystar, ayular men leopardtar úshín «oıynshyq» retínde qoldanyldy. Būdan bólek, qylqanjapyraqty aǵashtar men būtaqtar harzalarǵa, atjalmandarǵa, kírpílerge jáne jaıralarǵa jūmsaq tósenísh qyzmetín atqardy.
Aktsıyaǵa bírneshe gúl satatyn dúkendí qosqanda, 50-den astam adam qatysty. Tapsyrylǵan aǵashtardyń íshínde tamyr júıesí saqtalǵan úsh shyrsha da bar – olar haıuanattar baǵynyń aumaǵyna otyrǵyzylady.
«Aktsıyaǵa belsendí qatysqan barlyq qala tūrǵynyna jáne sharany keńínen jarıyalaǵan BAQ ókílderíne shynaıy alǵys bíldíremíz. Osylaısha bíz kóp mólsherde qylqanjapyraqty aǵash pen būtaq jınaı aldyq. Januarlar úshín būl qorek qana emes, sonymen bírge meken etu ortasyn jaqsartuda mańyzy zor: volerdegí árbír jańa zat – jańa ıís, jańa dám jáne zertteuge múmkíndík», – dedí Almaty haıuanattar baǵynyń ǵylymı-ádístemelík bólímíníń basshysy Aqjamı Elemanova.
«Shyrshany tapsyr» ekologıyalyq aktsıyasy tabıǵat pen januarlarǵa qamqorlyq jasau árbír adamǵa qoljetímdí árí qarapaıym ís ekenín taǵy bír márte kórsettí. Almaty haıuanattar baǵy barlyq qatysushyǵa belsendí azamattyq ūstanymy úshín alǵys bíldíredí jáne aldaǵy uaqytta da osyndaı bastamalardy jalǵastyrudy josparlap otyr. Sonymen qatar qala tūrǵyndaryn mereke ayaqtalǵannan keıín de qorshaǵan ortaǵa jauapkershílíkpen qarap, ekologıyalyq tūrǵydan tıímdí sheshímder tabuǵa shaqyrady.