Belgili jazýshy Dýlat Isabekov saılaýda halyq durys joldy tańdap, el jańa dáýirge qadam basqanyn atap ótti.
Onyń aıtýynsha, naýqan nátıjesi qoǵamnyń ádil Qazaqstandy qurýǵa yntaly ekenin kórsetti. Jańa Prezıdent endi naqty ózgeristerge baryp, jańa ıdeıalardy júzege asyratyn jańa kadrlardy jasaqtaıtynyna senedi, dep habarlaıdy Almaty-akshamy.kz.
«Bul jolǵy saılaýǵa kóp adam qatysty. Úıdegiler, kámeletke tolǵandar tolyq daýys berdi. Saılaý durys ári ádil ótti. Jańa 7 jyldyq dáýir – Qazaqstan úshin óte kúrdeli kezeń. Prezıdent úshin de eń jaýapty merzim bolaıyn dep tur. Bul adam ózine tolyq bılik tıgennen keıin radıkaldy ózgeristerge barady dep otyrmyn. Ásirese, kadr máselesi. Burynǵy kadrlardan qutylyp, jańasha oılaıtyn, jańa Qazaqstan degen ıdeıany júzege asyratyn jańa kadrlar kerek. Qazaq halqynyń da, jańa saılanǵan Prezıdenttiń de mereıi ústem bolsyn! Halqymen birge bola bersin!» – dedi jazýshy, dramatýrg, QR Memlekettik syılyǵynyń laýreaty Dýlat Isabekov.