Forbes tizimindegi eń baı adam anyqtaldy.
Djeff Bezos álemdegi eń baı adam mártebesinen aıyryldy, dep habarlaıdy Almaty-akhamy.kz. 24.kz-ke silteme jasap.
Juma kúngi saýdada onyń dáýleti 14 mıllıard AQSH dollaryna azaıdy. Sebebi Amazon kompanıasynyń aksıalary 7 jarym paıyzǵa arzandap ketti. Sarapshylardyń aıtýynsha, aksıalardyń quldyraýyna Amazonnyń ekinshi toqsanǵa jasaǵan qorytyndy esebi sebep boldy. Sońǵy úsh jylda alǵash ret tehnologıalyq alpaýyttyń tabysy tómen bolǵan. Nátıjesinde Djeff Bezostyń baılyǵy 192,4 mıllıard AQSH dollaryn qurady. Al Forbs tizimniń kósh basyna Louis Vuitton, Moët Hennessy kompanıalarynyń ıesi Bernar Arno shyqty. Málimetterge qaraǵanda, dál qazir onyń baılyǵy 192,9 mıllıard AQSH dollaryna teń. Djeff Bezostan 500 mıllıon dollarǵa kóp.
Dúnıejúzindegi baılardyń úshtigin Speıs Iks kompanıasynyń negizin qalaǵan Ilon Mask túıindeıdi. Onyń baılyǵy 179,4 mıllıard dollar. Aıta ketý kerek, Bernar Arno mamyr aıynda da Bezosty basyp ozyp kósh basyna shyqqan edi.
Biraq ol kezde eki aptadan keıin Amazonnyń burynǵy basshysy birinshi orynǵa qaıta jaıǵasqan.