87 jastaǵy mańǵystaýlyq ájeı Dımash Qudaıbergen erekshe syı jasady, dep habarlaıdy aqshamnews.kz
Mańǵystaýdyń 87 jastaǵy qolóner sheberi Sharhat Tólemisova Dımash Qudaıbergenge arnap jasaǵan shashaǵyn tabystaý úshin «Aqtaý – Túrki áleminiń mádenı astanasy» merekelik sharasynyń ashylý saltanatyna arnaıy kelip, 2 kún boıy qatysty. 90 jasqa taıaǵan keıýananyń Dımashqa arnap shashaq jasap, ony óz qolymen tabystaǵan.
"Biz - qazaqpyz. Qazaqtyń kishkentaı qyzy bolyp óstik, qazir ana boldyq, aýyldyń danasymyz. Dımash – ózimizdiń balamyz. Aqtaýǵa keledi degendi estigen soń, “nege bir tal shashaq baılamasqa?” dep oıladym. Sondyqtan kezdesip, dombyrasyna óz qolymmen taǵýdy jón sanadym", dedi qart ana.
Dımash Qudaıbergen aq tileýli anamen arnaıy kezdesip, ózine arnaǵan shashaqty aldy.
"Áleýmettik jeliden ájemizdiń maǵan arnaıy shashaq jasaǵanyn oqyp bildim. Keshe konsertten soń ájemizben kezdese almaǵanym oıymnan ketpedi. Búgin aǵalaryma aıtyp, arnaıy kezdesip otyrǵan jaıym bar", degen Dımash ájeniń qasyna erip kelgen 10 jasar shóberesine alqasy men júzigin syıǵa tartty.