Uıqy kezindegi mazasyzdyq densaýlyqtyń syr berýinen bolýy múmkin.
Eger adam túnde jıi ári tez oıanatyn bolsa, oǵan densaýlyǵyn teksertý úshin dárigerge qaralǵan artyq bolmaıdy. Dıetolog Iana Prýdnıkovanyń aıtýyna qaraǵanda, uıyqtaý barysyndaǵy mundaı qubylys birqatar aýrýlardyń belgisi bolýy múmkin, dep habarlaıdy Almaty-akshamy.kz REN-tv saıtyna silteme jasap.
Mazasyzdyq, kúızelis jáne basqa psıhologıalyq nemese psıhıkalyq problemalardan basqa, kenetten oıanýdyń sebebi ishki aǵzalardyń aýrýlarymen baılanysty fızıologıalyq buzylys bolýy múmkin. Mysaly, búırek ústi beziniń, uıqy beziniń nemese baýyrdyń keıbir aýrýlarynda.
"Eger adam túnde kóz ile almasa jáne qatty tamaq jegisi kelse, bul adrenalınniń qanǵa belsendi bólinýin bildiredi. Bul tipti sýbklınıkalyq búırek ústi dısfýnksıa bolýy yqtımal. Dárethanaǵa barý úshin nemese tońazytqyshqa qaraı asyǵyp, oıanyp alatyn bolsańyz, bul dárigerge barý kerek degen birinshi belgiler. Kem degende qant mólsherin teksertý kerek. Odan bólek, uıqy bezi men baýyrdyń bıohımıasyn teksertip, kortızol mólsherin anyqtaý qajet", - dedi Iana Prýdnıkova Sputnik radıosyna bergen suhbatynda.