Sesıa kezinde eki palata 179 zań jobasyn qarady.
Segizinshi saılanǵan parlamenttiń ekinshi sesıasy aıaqtaldy, dep habarlaıdy Almaty-akshamy.kz
Májilis tóraǵasy Erlan Qoshanovtyń aıtýynsha, ekinshi sesıada eki palatanyń qaraýynda 179 zań jobasy boldy. Onyń 102-si qabyldandy.
Palatalardyń 5 birlesken otyrysy, Májilistiń 39 jalpy otyrysy jáne Senattyń 43 jalpy otyrysy ótti. Sesıa barysynda depýtattar birqatar mańyzdy zań jobasy boıynsha Úkimetpen birlese jumys istedi. Biz basty qarjy qujatyn – respýblıkalyq búdjetti qabyldadyq, - dedi Qoshanov.
Aıtýynsha, qazir Parlamentte 71 zań jobasy bar. Depýtattyq korpýs endi Búdjet, Salyq, Qurylys, Sý kodeksteri boıynsha jumys isteıdi.
Sonymen qatar biz múlde jańa Sıfrlyq kodeksti kútip otyrmyz. Aldymyzda sybaılas jemqorlyqqa qarsy is-áreket, esirtkimen kúres, din, sot júıesindegi reformalar jáne basqa da máselelerge qatysty zań jobalary boıynsha aýqymdy jumys kútip tur. Parlament, Úkimet jáne sarapshylar qoǵamdastyǵy úılesimdi ári jan-jaqty jumys isteýi qajet, - dedi Májilis tóraǵasy.