Búdjet tapshylyǵy men depozıtter máselesi:
«Bizde búdjettiń tapshylyǵy qansha? 5 trln teńge me? Aqshany basqa jaqtan da tabýǵa bolady. Bizde salyq retinde taza paıdanyń 20 paıyzyn ustaıdy. Nege depozıtten tapqan paıdanyń 20 paıyzyn almaıdy? Álem boıynsha depozıtten salyq alady. Al bizdiń depozıtter óte úlken paıyzdar beredi», dep túsindiredi Syrymbek Taý bıznesmen.
Otbasy bankindegi depozıt:
Osy tusta ol «Otbasy bankindegi» depozıtke tıispeý kerek degen pikirde. Bul depozıt halyqtyń áleýmettik jaǵdaıyn qoldaýǵa baǵyttalǵan jáne onyń ústinen salyq salynbaýy tıis dep sanaıdy.
Depozıtterdiń kólemi men ekonomıkaǵa áseri:
«Halyqtyń depozıti ulttyq qordan aspaýy kerek. Bizdiń depozıt ulttyq qordan asyp ketti. Ol – haos. Ekinshiden, tapqan aqshany bızneske salmaı, depozıtke saqtaı bersek, onda orta bıznes órkendemeıdi», deıdi ol.
Qazirgi ýaqytta ekinshi deńgeıli bankterde jınalǵan depozıt kólemi 36 trln teńgeni quraıdy. Ortasha eseppen 13-17 paıyz aralyǵynda mólsherleme bar. Bul paıyzdyq mólsherlemeniń ortasha máni 15 paıyzǵa teń bolsa, jyl saıyn halyq 5,5-6 trln teńge kóleminde tabys alady. Eger osy tabystan taza paıdanyń 20 paıyzyn esepteıtin bolsaq, Úkimetke 1-1,2 trln teńge salyq túsip, bul qarjy búdjettiń tapshylyǵyn jabýǵa kómekteser edi.
Nege tek qosylǵan qun salyǵyna qadala beremiz?
Syrymbek Taý kásipker osy suraqty qoıyp, memleketke depozıtten alynatyn tabystyń salyqtyq paıyzy jóninde oılanýdy usynady.