Densaýlyq saqtaý júıesinde sheshimin tappaǵan másele óte kóp. Bul týraly elimizdiń áleýmettik-ekonomıkalyq damýy jónindegi keńeste Memleket basshysy Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Ulttyń deni saý jáne saýatty bolýy – óte mańyzdy másele. Osyny eskermesek, ekonomıkany reformalaý bos áýreshilik bolady. Bul – memlekettiń mindeti. Eń aldymen, adamdarǵa sapaly medısına qoljetimdi bolýy qajet. Densaýlyq saqtaý júıesinde sheshimin tappaǵan másele óte kóp. Mindetti áleýmettik medısınalyq saqtandyrý júıesi osy salany damytýǵa tyń serpin beredi dep úmittenemiz. Alaıda, bul júıedegi qarjy aınalymyna baqylaý jasalmaıdy», – dedi Qasym-Jomart Toqaev.
Memleket basshysy aqparattandyrýdyń tómen deńgeıde bolýy medısına qyzmetkerlerine júktemeni aıtarlyqtaı arttyrǵanyna basa nazar aýdardy.
«Medısınalyq saqtandyrý qorynyń óńirlik komısıalarynyń qyzmeti ashyq emes. Bul densaýlyq saqtaý shyǵystarynyń artyrýyna alyp keledi. Medısınalyq kómekti baqylaýsyz paıdalaný aıasynda qymbat dıagnostıkalyq qyzmetteri sany 11 ese artqan», – dedi Prezıdent.