Qazaqstandyq ónertapqysh, ınjener-konstrýktor Erlan Álimhanov AQSH-ta birneshe patent aldy.
Otandasymyz ártúrli tapsyrmany oryndaıtyn ámbebap dron oılap tapqan. Budan bólek konvertoplan, ıaǵnı tikushaq pen samolettyń qosyndysy sıaqty qurylǵyny jetildirý jóninde taǵy bir jańalyq ashqan, dep habarlaıdy Almaty-akshamy.kz.
Birneshe áskerı qurylymdar men qarý-jaraq shyǵaratyn kásiporyndarǵa usynysyn joldaǵan. Qoldaý bolyp, demeýshiler tabylyp jatsa, óndiristik synaqtarǵa kirispek.
Qazir otandasymyz Vashıngtondaǵy Rokvıll (Rockville) ǵylymı ortalyǵynda amerıkalyq oqýshylarǵa robotehnıka jáne ınjenerlik sheshimder jóninde dáris beredi.
«Eki dron – ol kishkene qupıa taqyryp. Biraq ol – kóp maqsattaǵy dron. Ol neshe túrli tapsyrmany sheshedi. Endi túrikterdiń «Baıraqtaryna» uqsaıdy. Qazaqstanǵa kerek bolsam, kelemin», - deıdi ónertapqysh Erlan Álimhanov.