Sınoptıkterdiń málimetinshe, ońtústik sıklony men onymen baılanysqan atmosferalyq frontaldy bólikter QR terıtorıasynyń basym bóliginde óz áserin saqtaıdy, dep habarlaıdy almaty-akshamy.kz.
«Naızaǵaı oınap, jańbyr jaýady, shyǵys pen ortalyqta qatty jańbyr, burshaq jaýyp, daýyl soǵady. Tek elimidiń soltústigi, soltústik-batysy men ońtústik-shyǵysynda jaýyn-shashynsyz aýa raıy bolady. Respýblıka boıynsha jeldiń kúsheıýi, túngi jáne tańerteńgi saǵattarda soltústigi, soltústik-batysy men ortalyǵynda tuman kútiledi», - dep jazylǵan sıpoptıkterdiń habarlamasynda.
Túnde Qostanaı, Aqtóbe oblystarynyń soltústiginde, Soltústik Qazaqstan oblysynyń batysynda, Aqmola oblysynyń batysy men soltústiginde topyraq betinde 2-3 gradýs úsik túsedi.
Qaraǵandy oblysynyń batysynda, ońtústiginde, Ulytaý oblysynyń ortalyǵynda, Abaı, Qostanaı oblystarynyń ońtústiginde, Atyraý oblysynyń soltústik-batysynda, Shyǵys Qazaqstan oblysynyń ońtústik-shyǵysynda, Qyzylorda oblysynyń batysynda, Batys Qazaqstan oblysynyń batysynda, soltústik-batysynda, ońtústik-batysynda joǵary órt qaýipi saqtalady.
Qyzylorda oblysynyń Qazaly aýdanynda, Túrkistan oblysynyń shóldi aýdandarynda, Abaı oblysynyń Úrjar aýdanynda tótenshe órt qaýipi kútiledi.