Ótken jylǵa qaraǵanda ólim-jitim 5 paıyzǵa tómendegen.
2022 jyldyń 4 aıynyń qorytyndysy boıynsha elimizde ólim-jitim deńgeıi tómendegen. Bul týraly QR Densaýlyq saqtaý mınıstri Ajar Ǵınıat málim etti, dep habarlaıdy Almaty-akshamy.kz QazAqparatqa silteme jasap.
«Mindetti áleýmettik medısınalyq saqtandyrý qorynyń jumysy halyqtyń jalpy densaýlyq jaǵdaıymen tikeleı baılanysty. Sondyqtan da búgingi jıynda aıtylatyn usynys, pikir, ıdeıa men ótinishter atalǵan salany jetildire túsýge septigin tıgizedi. Pandemıaǵa baılanysty halyq densaýlyǵynyń nasharlaǵanyn bilesizder. Koronavırýstyń saldarynan elimizde ólim-jitimniń kóbeıgenin de habardarsyzdar», - dedi Ajar Ǵınıat elordada ótken mindetti áleýmettik medısınalyq saqtandyrý máselelerine arnalǵan dóńgelek ústel barysynda.
Mınıstrdiń aıtýynsha, halyqtyń densaýlyq jaǵdaıyna aı saıyn saraptama jasalady.
«Bıylǵy jyldyń 4 aıynyń qorytyndysy boıynsha adam ólimi azaıdy. Ótken jylǵa qaraǵanda ólim-jitim 5 paıyzǵa tómendegen. Búginde epıdemıologıalyq jaǵdaı jaqsardy. Elimiz pandemıadan keıin aıaqtan qaıta turyp keledi. Osy oraıda halyq densaýlyǵy kórsetkishi de jaqsaryp keledi», - deıdi ol.
Aıta ketsek, Nur-Sultan qalasynda elimizde engizilgen mindetti áleýmettik medısınalyq saqtandyrý júıesi qyzmetine arnalǵan dóńgelek ústel ótip jatyr.
Atalǵan sharaǵa sala mamandary men jaýapty tulǵalar qatysyp, MÁMS-ke qatysty túıtkildi máselelerdi ortaǵa salýda.