«Almaty – Ystambul» baǵytda almatylyq dárigerler jolaýshyǵa alǵashqy medısınalyq kómek kórsetti, - dep habarlaıdy almaty-akshamy.kz
Almatylyq dárigerler Izraılge (Tel-Avıv) Ystambul arqyly transfermen oqýǵa jiberilgen edi.
«Eır Astana» áýe kompanıasynyń Almatydan Ystambulǵa baǵyt alǵan ushaǵynda jolaýshylardyń biri ózin jaısyz sezinedi. Ekıpaj kapıtany bortta medısınalyq qyzmetkerlerdiń bar-joǵyn anyqtaǵan.
«Almatydan Tel-Avıvke baǵyt alǵan reıste, jolaýshynyń baǵyna oraı, medısınalyq qyzmetkerler bolyp shyqty. Jedel medısınalyq kómek kórsetý qosalqy stansasynyń dárigeri Mıra Júsipbekova men №5 qalalyq perzenthananyń dárigeri Dınara Narymbıevanyń shuǵyl áreket etýiniń arqasynda jolaýshyǵa alǵashqy medısınalyq kómek kórsetilip, qan qysymy qalpyna keltirildi. Nátıjesinde jolaýshy óz-ózine kelip, saparyn jalǵastyrdy», - dep atap ótti Almaty qalalyq Densaýlyq saqtaý basqarmasynyń «Jedel járdem» qyzmeti.