Bul suraqqa Densaýlyq saqtaý mınıstri Aqmaral Álnazarova jaýap berdi.
Qazaqstanda suranysqa ıe dárilerdiń baǵasy ósýi múmkin, dep habarlaıdy Almaty-akshamy.kz
Densaýlyq saqtaý mınıstri vedomstvonyń eń tanymal 1728 dári-dármekti erkin aınalymǵa shyǵarý jospary týraly aıtty.
«Ótken jyly Densaýlyq saqtaý mınıstrligi alǵash ret dári-dármektiń 303 túrine baǵany retteýden bas tartty. Bul týraly bizden bıznes pen medısına qaýymdastyǵy ótindi. Bir jyl ishinde baǵa 14-15 paıyzǵa ósti. Bıyl 1728 dári-dármek túrine baǵany retteýden bas tartýdy josparlaǵan bolatynbyz. Biraq biz bul prosesti toqtatyp, saraptama júrgizý týraly sheshim qabyldadyq», - dedi Álnazarova.
Onyń aıtýynsha, Densaýlyq saqtaý mınıstrligi endi dári-dármek baǵasyn memlekettik retteýden bas tartý eldegi ınflásıaǵa qalaı áser etetinin taldaýǵa nıetti.
«Jalpy, biz ekinshi jartyjyldyqta dári-dármektiń osy túrlerine baǵany retteýdi kezeń-kezeńimen alyp tastaýdy josparlap otyrmyz. Bul preparattarǵa antıbıotıkter, antıgıstamınder jáne jótelge qarsy preparattardy qosa alǵanda, halyq arasynda eń jıi satyp alynatyn jáne suranysqa ıe dáriler bar», - dedi mınıstr.