«Almaty» telearnasy kórermenderge jańa telemaýsymda jańa baǵdarlamalar usynýǵa daıyn, dep habarlaıdy almaty-akshamy.kz
Naýryzǵa arnap telearna jarqyn ári rýhty baǵdarlamalar daıyndap otyr. Olardyń ishinde «Birjan-Sara izimen» aıtysynyń jalǵasy, «Almaty án qanatynda», kórermen kózaıymyna aınalǵan mýzykalyq shoý «Juldyzdy karaoke», «Keshki Almaty» sıaqty baǵdarlamalar bar.
Memleket basshysy Qasym-Jomart Toqaev «Egemen Qazaqstan» gazetine bergen kólemdi suqbatynda Naýryz merekesiniń qazaqstandyqtar úshin qanshalyqty mańyzdy ekenin atap kórsetti.
«Naýryz - jańarýdyń belgisi, sondyqtan ony jańasha: erekshe bir elementter engizip, maǵynaly, kreatıvti túrde toılaý kerek. Bul qoǵamnyń birigýine, bizdiń ulttyq biregeıligimizdi nyǵaıtýǵa yqpal eterine senimdimin», - degen edi el Prezıdenti.
Kóktem men jańarý merekesiniń qurmetine telearna birqatar otandyq kıno jáne anımasıa ónimderin daıyndady. Sonymen qatar, kórermender úshin syılyq utyp alý sıaqty kóptegen tosynsyılar bar.