Astanadaǵy «Yryskeldi qajy» meshitiniń bas ımamy Nurlan Baıjigituly telefondy durys qoldaný ádebi týraly pikir bildirip, dárethanaǵa telefonmen kiretinderdi synǵa aldy. Sonymen qatar, ol azannyń daýysyn standartty mýzykaǵa aýystyrý máselesin de kóterdi, dep habarlaıdy aqshamnews.kz
«Telefondy qoldanýda ádeptilik saqtaýymyz kerek. Azannyń daýysyn telefonǵa qoıamyz, biraq ony durys qoldanbaımyz. Kópshiligimiz telefondy dárethanaǵa alyp kiremiz. Sol jer eń jaıly oryn sekildi. Typ-tynysh otyryp, telefon shuqylaýǵa qolaıly dep oılaımyz. Oqıtyn eshteńe tappasań, dárethana qaǵazyn alyp oqısyń, ıis shyǵaratyn quraldyń quramyn oqısyń. Sóıtip H₂O degendi jattap alasyń. Endi azannyń daýysy dárethanada shyǵyp jatsa, bul tipti soraqy jaǵdaı. Sol sebepti azannyń daýysyn qarapaıym mýzykaǵa aýystyrýdy suraımyn», – dedi Nurlan Baıjigituly.
Imamnyń aıtýynsha, telefondy qoldanýda ádep saqtap, onyń qasıetti mazmundarǵa qatysty qoldanylýyna jaýapkershilikpen qaraý kerek. Bul turǵyda azannyń daýysyna qurmet kórsetýdi erekshe atap ótti.