Sýburqaqqa 10 jasar bala batyp ketti.
Qaıǵyly jaǵdaı Shymkent qalasy ákimdiginiń janyndaǵy sýburqaqta bolǵan, dep habarlaıdy Almaty-akshamy.kz.
Bul týraly İİM baspasóz qyzmeti málim etti. Ókinishke qaraı, polıseıler sýdan onyń óli denesin alyp shyqty.
24 shilde saǵat 19:14 shamasynda Qarataý APB 102 arnasyna ákimdik ǵımaratynyń aldynda kámelet jasyna tolmaǵan balanyń qaıtys bolǵany týraly habar kelip túsken.
«Oqıǵa ornyna jedel tergeý tobynyń qyzmetkerleri bardy. Belgili bolǵandaı, sýburqaqqa shomylyp júrgen 10 jasar bala abaısyzda sýǵa batyp ketip, mert bolǵany anyqtaldy. Jasóspirimniń boıynda eshqandaı kózge kórinetin dene jaraqattary joq. Kámeletke tolmaǵan balanyń ólimin polıseıler Sotqa deıingi tergep-tekserýlerýdiń biryńǵaı tizilimine tirkedi», - delingen habarlamada.
Barlyq qajetti saraptamalar taǵaıyndaldy, olardyń nátıjeleri boıynsha prosestik sheshim qabyldanady.