Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Jenevaǵa sapary barysynda BUU Adam quqyqtary jónindegi Joǵarǵy komısary Mıshel Bacheletpen kezdesti, dep habarlaıdy Almaty-akshamy.kz SİM silteme jasap.
Kezdesý barysynda taraptar 2022-2024 jyldary AQK-ǵa qazaqstandyq músheliktiń basymdyqtaryn jáne BUU Adam quqyqtary jónindegi Joǵarǵy komısary basqarmasy (AQJKB) delegasıasynyń Qazaqstanǵa saparynyń qorytyndylaryn talqylady, onyń nátıjeleri Prezıdent Qasym-Jomart Toqaevtyń adam quqyqtaryn qorǵaý, demokratıalyq qoǵam qurý jáne «Halyq únine qulaq asatyn memleket» tujyrymdamasyn engizý bóliginde bastamashylyq etken saıası reformalardy iske asyrýda tehnıkalyq kómek kórsetý úshin basym baǵyttardy aıqyndaýǵa múmkindik beredi.
M.Tileýberdi Qazaqstandaǵy qańtar aıyndaǵy oqıǵalardy tergeý barysy týraly, sondaı-aq adam quqyqtary salasyndaǵy óziniń halyqaralyq mindettemelerin oryndaýdy qamtamasyz etý jónindegi memlekettiń keshendi sharalary týraly Joǵarǵy komısardy habardar etti. Ol Qazaqstan bıligi ádil tergeý júrgizip jatqanyn, onyń nátıjeleri álemdik qoǵamdastyqqa usynylatynyn atap ótti.
Sondaı-aq Qazaqstan SİM basshysy suhbattasyna Prezıdent Q.Toqaev 16 naýryzda qazaqstandyq qoǵamdy saıası transformasıalaýǵa baǵyttalǵan reformalardyń jańa baǵdarlamasyn jarıalaýdy josparlap otyrǵanyn habarlady. Sonymen qatar, Mınıstr M.Bacheletti Qazaqstanǵa saparymen kelýi týraly Memleket basshysynyń shaqyrýyn eske saldy.
Óz kezeginde Joǵarǵy komısar Qazaqstan Úkimeti júrgizip jatqan jumysty joǵary baǵalady, sondaı-aq ulttyq quqyq qorǵaý ınstıtýttarynyń quqyq qorǵaý reformalaryn iske asyrýǵa qatysýynyń mańyzdylyǵyn atap ótti. M.Bachelet onyń keńsesiniń Qazaqstanǵa qajetti tehnıkalyq kómek kórsetýge daıyndyǵyn bildirdi. Qazaqstannyń azamattardyń áleýmettik-ekonomıkalyq máselelerin sheshý jónindegi sharalaryna qoshemet kórsetti.