BUU bas hatshysy Antonıý Gýterresh Dúnıejúzilik ekonomıkalyq forýmda álemdi kelesi pandemıaǵa daıyndalýǵa shaqyrdy, dep habarlaıdy Almaty-akshamy.kz
Gýterreshtiń pikirinshe, álem kelesi pandemıaǵa daıyndalyp, ár elde baqylaýǵa, erte anyqtaýǵa jáne jedel áreket etý josparlaryna ınvestısıa salyp, Dúnıejúzilik densaýlyq saqtaý uıymynyń bedelin nyǵaıtýy kerek.
Sonymen qatar, ol pandemıamen ádil jáne teń jaǵdaıda kúresýge shaqyrdy.
Gýterresh buǵan deıin DDSU 2021 jyldyń sońyna qaraı jer turǵyndarynyń 40 paıyzyn jáne osy jyldyń ortasyna qaraı 70 paıyzyn vaksınalaýdy kózdeıtin strategıa jarıalaǵanyn eske saldy.
«Biz bul maqsattardy kózdemeımiz. Bul uıat, biraq tabysy joǵary elderde vaksına saldyrý deńgeıi Afrıka elderine qaraǵanda jeti ese joǵary. Bizge vaksınany taratý máselesinde ádil bolý qajet», - dedi ol.
Gýterresh memleketter men óndirýshiler COVAX mehanızmine vaksına jetkizýge basymdyq berip, búkil álem boıynsha synaq, vaksına, emdeý ádisiniń jergilikti óndirisin qoldaýy kerek ekenin aıtty.