Qazaqstanda halyq múddesin qoldaıtyn, únine qulaq asatyn jańa memlekettik júıe qalyptasady dep oıyn bildirgen ǵalymdar Memleket basshysynyń bastamasyn qoldaıtynyn aıtty, dep habarlaıdy Almaty-akshamy.kz Almaty.tv-ge silteme jasap.
QR UǴA prezıdenti Murat Jurynov halyqty Konstıtýsıanyń jańa baptaryn talqylap, oı qosýǵa shaqyrdy.
«Konstıtýsıa 3 ret ózgertilgen. Biraq ol kezde referendým bolǵan joq. Ony Parlament qabyldady, al bul joly túbegeıli ózgerister engizedi. Sýperprezıdentik basqarýdan demokratıalyq basqarý júıesine ótý, Parlament pikirin tyńdaý, Úkimenttiń ony talapqa saı oryndaýy, osynyń bári - Konstıtýsıada bekitilýi kerek. Konstıtýsıanyń jańa baptaryn talqylap, oı qosýǵa shaqyramyn. Bárimiz bir aýyzdan qoldaıyq. Óıtkeni, bul - Otanymyzdyń keleshegi», – dedi QR UǴA prezıdenti Murat Jurynov.